المنتدي السوداني
ملــيون مــرحبا بـك معنا في منتدى ((ابناء الجالية السودانية في الامارات))
بين اهلك وناسك ان شاء الله تجد الفائدة والمتعة ونتمني ان تنضم الينا و تكون احد اعضاء المنتدي الفاعلين

انضم إلى المنتدى ، فالأمر سريع وسهل

المنتدي السوداني
ملــيون مــرحبا بـك معنا في منتدى ((ابناء الجالية السودانية في الامارات))
بين اهلك وناسك ان شاء الله تجد الفائدة والمتعة ونتمني ان تنضم الينا و تكون احد اعضاء المنتدي الفاعلين
المنتدي السوداني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» اللهم بلغنا رمضان
انا السوداني I_icon_minitimeالإثنين يوليو 25, 2011 3:47 am من طرف Admin

» مساطيل2
انا السوداني I_icon_minitimeالأربعاء يوليو 13, 2011 12:59 am من طرف Admin

» ثم ماذا بعد هذا
انا السوداني I_icon_minitimeالثلاثاء يوليو 12, 2011 3:42 am من طرف سارة مالك

» كويتي ينتحر امام مخفر الشرطة ويقول انا المهدي المنتظر
انا السوداني I_icon_minitimeالأحد يوليو 10, 2011 12:10 am من طرف سارة مالك

» انفصال الجنوب تهديد للجنيه السوداني
انا السوداني I_icon_minitimeالسبت يوليو 09, 2011 11:30 pm من طرف Admin

» مقتل جون قرنق كان البذرة لانفصال الجنوب فمن القاتل؟؟؟؟؟؟
انا السوداني I_icon_minitimeالسبت يوليو 09, 2011 11:07 pm من طرف Admin

» الي شهداء السودان وجرحي حروبه الجهادية سلام
انا السوداني I_icon_minitimeالسبت يوليو 09, 2011 9:40 pm من طرف سارة مالك

» انفصال جنوب السودان
انا السوداني I_icon_minitimeالسبت يوليو 09, 2011 6:35 pm من طرف Admin

» اكتمال مراسم زوج أخت سلفاكير من أحد أعيان قبيلة البطاحين بالخرطوم
انا السوداني I_icon_minitimeالجمعة يوليو 08, 2011 8:14 pm من طرف Admin

التبادل الاعلاني
احداث منتدى مجاني
عدد زوار المنتدى

.: عدد زوار المنتدى :.

المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 100 بتاريخ السبت يناير 27, 2024 9:49 am

انا السوداني

اذهب الى الأسفل

انا السوداني Empty انا السوداني

مُساهمة من طرف سارة مالك الإثنين يونيو 13, 2011 5:23 am

أنا ودأصول كل الخلوق عارفاني ..
وكت الدم يفور مين البيتحداني ..
ثابت فوق جذور متمدي لي جيراني .
ذي ماالنيل وصل وصلت ملت شرياني . ذي ماالدين دخل دخلت ملت وجداني .

قايم مختلف ماذي ولادا تاني .
في اللون والسلوك المارقو بره كياني .
زولا في الخلوق واضح براي وحداني .
ذي شمس النهار كل الخلوق شايفاني .
ذي قمر القرى كل الخلوق رايداني . ذي عيد من فجر عين الصغار حارساني .
والزول البدور يعرف عقيدة ايماني .
مؤمن بالاله المن نعيمو أداني.

والزول البدور يعرف قبيلتي انا ياني .
مليان بالعفاف حب التراب خلاني .
مليان بالفهم حب البشر عباني .
طرت من القيود رب العباد ختاني .
فوق كل الخلوق راقد مكوع هاني .
خالف للكراع ماسك السحاب الداني .
نازل للارض تلقاني شيتا ضاوي .
ثابت فوق رجول شايلات عضايا وناوي . لي باكر بصل مهما اذتني بلاوي ..

من رجلي اليمين افريقي دما راوي .
والحيل البشيل حيلا نصيح دينكاوي .
مليان للعضام بدم نضيف شلكاوي .
انواكي ونويري ومورلي بي زانداوي . في الاخر رجل زولا اصيل نيلاوي .

من رجلي الشمال عربي وعديل صحراوي .
من عند الحزام عرقا شديدا لاوي .
جينات السلام دي الليها مين بيلاوي .
بذرات اللقاح انسانه مالي تقاوي . طلعت فد اصل جابتني زول سوداوي .
يوم كل الخلوق صبحت عديل مابياني .
والسيد في الخلوق لزه الرقيق عافاني .
والفهم اللفي خلا القرار يأذاني .
والخير الكتير الداخرو جوه كياني .
عبه اعضاي شعور بي زول اصيل حقاني .
ثابت ذي شجر وسط الرياح تلقاني . مابملك جنس غير ما أنا السوداني ..

من يدي اليمين ساعد نصيح بجاوي .
تدخل في اصابعي تشوفني زول هاوساوي .
جوه رشايدي ماخد من طبع عرباوي .
فلاتي وشمالي الكل صبح شرقاوي . من غير الصباع أنا يدي شن بتساوي ..

من يدي الشمال ساعد بناها خلاوي .
مليان للعضام دما منابعو زغاوي .
مليان للمسام بزول اصيل فوراوي .
بقاري وتعايشي وزول أصيل نوباوي .
في الاصل الوحيد انا يدي يد غرباوي . من غير الصباع انا يدي شن بتساوي ..

من كتفي الشمال منصوري بي نماري .
شايل شيل نمر جعلي وملهلبه ناري .
رباطابي ان نضم بجرح شعور حقاري .
والكتف اتقفل شايقي وكمان هواري .
مخترق العنق مالي العروق افكاري .
لي كتفي اليمين محسي وكمان دنقالي .
حلفاوي انقسم يوم جاني سدا عالي .
سكوتي وبديري وماخطر في بالي غير كتفين دوام يتلاقو ابقى شمالي ..


بالع كم لغات من حلقي وصلت قاشي .
مليان بالسلام بكره غبيا فاشي .
في بطني الغريقة أنا شكري لا كباشي .شايل كوم قبايل وماتعبت وماشي ..

القلب النضيف شايل التعدد صافي .
للجيهة ام ضمير دايما يقول عوافي .
والعين للجميع نظرا تشوفبو خرافي .
والراس للجميع عقلا مجيه وافي .
والقول الطلع مارق مرادي الخافي .
يارب ياجسد ان شاءالله بطنك دافي .
سارح في المصير يارب يجيني المافي .
في بحر الصراع يارب يدوم مقدافي .
نوصل للسلام في برو نلقى مرافئ .
والعضو ينقطع وين العلاج الشافي .؟
ماطالا الجسد من دونو يمحى أوصافي . والدور البقومبو محال بيصبح كافي ...
[ندعوك للتسجيل في المنتدى أو التعريف بنفسك لمعاينة هذه الصورة]

سارة مالك

عدد المساهمات : 43
تاريخ التسجيل : 06/06/2011

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى