حفلاتنا في السودان

من طرف سارة مالك الإثنين يونيو 13, 2011 5:04 am

‎
في اغاني تتغني في حفلات عامة... في افراح الناس الغلابة ... في اوقات قليلة جدا ماينسي الناس اتراحهم وبلاوي الزمن من ارتفاع اسعار وغلاء معيشة و الناس فيها المكفيها وجايبة الفنان عشان يفرحهم ويبسطهم مش عشان ينكد عليهم...
وتلقي العريس خطط ليوم زفافه من سنتين وجمع اطرافه ......واختار شريكة حياته .......
تلقاهو عزم الناس وحجز الصالة ...........البدلة الاسموكي والحمام المغربي والليموزين والتلفون شغال اليوم كلوا
المعازيم وصلوا الشباب جارين يمين شمال
بتاع الساوند شغال يربط اجهزته والناس دي لسه ما اتعشوا ليه يا محمد ومحمد ما لاقي وقت يحك راسه
والعريس وصل ومعاهو ست الحسن والجمال والفستان الابيض ابو ذيل اربعة امتار ومعاها خمسين واحدة اتظبطوا علي حسابه بي حجة خمسة اخوات العروس وسبعة زميلاتها في الجامعة واربعتاشر ديل صاحبات صاحبة العروس وفاتورة الصالون عملت ليهو عسر هضم
وصل الفنان قبل انتهاء الحفلة بي نص ساعة سيادتو
والناس جاهزة للهجيج بعد ما اتعشت
تست تست تست تست تست تست تست
123 123 123 123 123 123 123

ينط ليك واحد فلفوص وفاكيها في نفسو وعامل انه اديب زمانه:---------
في هذا الليل البهيج يطيب لي ان اتقدم باسمي آيات التهنئة والتباريك الي الوجيه فلان بن فرتكان وعروسه ست الحسن والجمال علي الزواج الميمون ونتمني لهم حياة زوجية تعيسة اوف سوري (سعيدة)
وجاء الفنان فلته زمانه وبدأ يهنق من (النهيق)
ولكم ان تتخيلوا يوم فرحك وهناك وسعدك وانت بتكمل نص دينك تسمع الفنان يغني ليك؟؟؟؟

ابقى صريح معاك *** اقول ليك بي امانة *** عمليتك ما ظريفة *** وحركتك جبانة ***

ياراجل ده عرسي ولسه الفنان مواصل وهو يشير اليك ؟؟؟؟
***ده خايف من اخرته ومن عمايله في الدنيا ....***

وتلتفت الي عروسك وانت باسم فتجدها تنظر اليك ولسان حالها يقول؟؟؟؟
****أحسن نكون واضحين.... انا وانت ما لايقين...****

وما زال الفنان يواصل ابداعه الفني وهو يغني منطربا متمايلا ذات اليمين وذات الشمال وهو الذي اطلق علي نفسه لقب (حمار الفن)؟؟؟؟
****انا في نومي بتقلب........محترم القلوب تلب*****

تعلوا زغاريد حريم الحلة وهن شامتات في العريس وهمساتهن تقول؟؟؟؟
**** الماعندو روزا يشيلااااااااااااااااااااااااااا موزة****

وشباب الحلة متجمعين عند الفنان ودخان سجايرهم عامل غيمة خريف في عز الشتاء وهم يرددون خلف الحمار قصدي (الفنان)؟؟؟؟؟
******هنا شامه وهنا خصله هنا امن وهنا شرطه قبضوني وانا زغت وجلدوني وانا توبت *****
آآآآآآآآآآآآآآآآآآآآآآآآآآآآآآآآآآآآآآآآآآآآآآآىي

وواصل الفنان ابداعاته الفنية الواحدة تلو الاخري؟؟؟؟؟؟؟

1--كده تمام ولا نجيب النظام العام هييييييييييييييي دي عوضيه ولا نجيب الامنيه

2:--بناطلينوا جباده قميصوا ابيض ساده انا سالتوا عن اسموا قال لي ماي نيم حماده

3:--لمتين يعقد الماذون يا اب شري لمتين انا زفافي يقوم يا اب شري

4:--دق الباب وتكلوا انا جريت لي قام قفلوا كان بالفقراء انا بصلوا ..

وفجاة توقفت الحفلة وهاج الحضور وماجو في شنو يا شباب مالكم يا ناس ده منو الوقف الفنان عن الغناء ده ؟؟؟؟؟؟
رد عليهم ضابط شرطة النظام العام انتو تصريح ما عندكم كمان عاملين حفلة اوفر نااااااايت