مصطلحات شوارع الخرطوم

من طرف سارة مالك الإثنين يونيو 13, 2011 5:13 am

بشكة = فردة : صديقك
حناك =انسان كلامه حلو ويخش الراس على طول
دبيب = الولد البمشي الحفلات من غير عزومة
مرطب = الغني وحالته مرتاحة
شفت = مفتح :انسان يعرف اي شي
مسطح = فارة = طيرة = ما ناقش = كيسه فاضي : انسان ما يفهم اي شي
ركبه التونسية = دقسته : يعني غشيته او خدعته
ربة : حفلة
الحاجة دي دسيسة = كاسرة فيني ضلع = قاطعة فيني عرق = كاسر فيني ربس : تعجبني مرة
اتجدعت : انبسطت وروقت
عاضة : بايخة
ضحاكات = القروش
هواه قايم : مفلس
فاكة منه = ضارب سلك = لافي صينية : مجنون
شديدة = شرط للأرض : البنت الحلوة
اتلحس : مات
سطالايت = راكب فيل : انسان سكران
اتفقع = اتسرق
رافعه القزاز : تقال للبنت المتكبرة الما شغالة بي زول
رمتالي = شماسي :الولد الحايم في الشوارع
شرحبيل = اذا واعدت انسان وما جاك
كرسي الشهيد : الكرسي الجنب السواق
كنبة شكرا : اخرمقعد في الحافلة
حبكانه : حب و ريدة
عمك : راجل كبير
عضة = تشومة = منجرية : اكل
حديدة : عربية او سيارة
قرض=جلدة : بخيل
اب صفيحة : عسكري
اعمل نايم : انسى وما تشتغل بالموضوع
لاند كدر=خ 11 :رجلية او تمشي برجلك
كبس = جاء
جولة حول الدولة = عندي لفة
اتفكفك = شتت = اقطع وشك : امشي
مدردقة = ماشي الحال
10 قافلة : الولد الحلو
ماكل كباب : احوص
التعامل انجليزي = فارز عيشته :الشخص الوحيد والذي يحب الوحدة
دق جرس : شاكلني
ضباح : ( ضبحني ليك ضبحة) يعني فكاها فيني او كضب علي
قداد = براي : كثير الكلام
ماسورة = وهذه يطول شرحها حيث يقال للشخص غير المضمون ماسورة أو الشخص الذي يوعد ويخلف ماسورة كما تطلق ايضا على الشخص الذي يصيع أكبر عدد من الناس او الذي لا يقدم ما استقدم من أجله (مثلا وارقو)
( نحل / دبيب / ضفدق ) مما تسمعي اسم من المخلوقات دي يعني معناها زول ما معزوم
( بيض ) مثلا : اروى دي بيض خلاص , يعني زوله اي كلام
( دسيسه ) لو زول قال ليك كده معناها بمدح فيك يعني حاجه سمحه وفنانه
( دلداب) معناها كذاب كذب
( اب سعد ) معناها اسكت في زول جاي
( كبو الزوغه ) يعني هربو
( فلان كج ) معناها شوم
( قطع ناشف ) معناها رفض شديد
( هرشه ) بمعنى خوفه
( اداه كفتريا ) يعني اداه كف لما خلا راسو يلف
( حتو قرض ) يعني احرج الزول
( بعاتي ) بالمناسبه دي ما نبذه هي بمعنى ناقش الموضوع او فاهم اي شئ
( هطله ) معناها عوير
[ندعوك للتسجيل في المنتدى أو التعريف بنفسك لمعاينة هذه الصورة]