المنتدي السوداني
ملــيون مــرحبا بـك معنا في منتدى ((ابناء الجالية السودانية في الامارات))
بين اهلك وناسك ان شاء الله تجد الفائدة والمتعة ونتمني ان تنضم الينا و تكون احد اعضاء المنتدي الفاعلين

انضم إلى المنتدى ، فالأمر سريع وسهل

المنتدي السوداني
ملــيون مــرحبا بـك معنا في منتدى ((ابناء الجالية السودانية في الامارات))
بين اهلك وناسك ان شاء الله تجد الفائدة والمتعة ونتمني ان تنضم الينا و تكون احد اعضاء المنتدي الفاعلين
المنتدي السوداني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» اللهم بلغنا رمضان
بت مسيمس I_icon_minitimeالإثنين يوليو 25, 2011 3:47 am من طرف Admin

» مساطيل2
بت مسيمس I_icon_minitimeالأربعاء يوليو 13, 2011 12:59 am من طرف Admin

» ثم ماذا بعد هذا
بت مسيمس I_icon_minitimeالثلاثاء يوليو 12, 2011 3:42 am من طرف سارة مالك

» كويتي ينتحر امام مخفر الشرطة ويقول انا المهدي المنتظر
بت مسيمس I_icon_minitimeالأحد يوليو 10, 2011 12:10 am من طرف سارة مالك

» انفصال الجنوب تهديد للجنيه السوداني
بت مسيمس I_icon_minitimeالسبت يوليو 09, 2011 11:30 pm من طرف Admin

» مقتل جون قرنق كان البذرة لانفصال الجنوب فمن القاتل؟؟؟؟؟؟
بت مسيمس I_icon_minitimeالسبت يوليو 09, 2011 11:07 pm من طرف Admin

» الي شهداء السودان وجرحي حروبه الجهادية سلام
بت مسيمس I_icon_minitimeالسبت يوليو 09, 2011 9:40 pm من طرف سارة مالك

» انفصال جنوب السودان
بت مسيمس I_icon_minitimeالسبت يوليو 09, 2011 6:35 pm من طرف Admin

» اكتمال مراسم زوج أخت سلفاكير من أحد أعيان قبيلة البطاحين بالخرطوم
بت مسيمس I_icon_minitimeالجمعة يوليو 08, 2011 8:14 pm من طرف Admin

التبادل الاعلاني
احداث منتدى مجاني
عدد زوار المنتدى

.: عدد زوار المنتدى :.

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 18 بتاريخ الإثنين يوليو 04, 2011 8:52 pm

بت مسيمس

2 مشترك

اذهب الى الأسفل

بت مسيمس Empty بت مسيمس

مُساهمة من طرف Admin الإثنين يوليو 04, 2011 8:43 pm

يابت مسيمس تقلبي تيمس

كثيراً مانسمع مقولة ( بت مسيمس تقلبي تيمس ) بالذات عاشقي لعب الورق ( الكونكان ) ولكن من هي بت مسيمس صاحبة هذا الاسم ؟؟؟؟؟؟؟؟؟؟؟؟ (التيمس نوع من اللواري )
بت مسيمس هي شاعرة من شاعرات السودان وهي إمرأة مناضله وهي من قبيلة المسلماب لمع نجمها في العصر التركي وادركت عهد الثورة المهديه وقد رسمت اروع لوحة للبطل السوداني عبد القادر ود حبوبة وكانت بت مسيمس مثلها ومثل اخواتها الشاعرات بنونه بت المك نمر وبت مكاوي وشغبة تُعجب بالرجل الشجاع وتمجده في اشعارها واجمل ماكتبتهُ بت مسيمس في الفارس عبد القادر ود حبوبه وهي شاهد عيان عندما شنق عبد القادر ود حبوبه في نصف السوق في قرية الحلاوين وقد قالت بت مسيمس (وقيل اسمها رقية اخت ود حبوبة ) :-

بتريد اللطام اسد الكداد الزام
هزيت البلد من اليمن للشام
سيفك للفقر قلام
تيّم فى التقر انصارو منزربين
بالصفا واليقين حقيقة انصار دين
بالحرب ام طبائق قابلوا المسكين
فى وش المكن رقدوا التقول نايمين
تيّم فى التقرانصاروا زاربنوا
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا
تيّم فى التقر قال العمير للسوم
القوى والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالم تحوم
الاسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمامور
الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صقار
الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق
بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال

وفي قصيدة اخري وصفت ود حبوبة و قالت :-


الراعي مابوصو من أمس الضحي
تور اب زنود ساقو يامقنع ولياتو
تور بقر الجواميس العلي الرك
ياعقدة الحديد للحلبي مابتنفك
تورك يا ام رشوم شما في الخلق عَشَرك
دقيت الجسر وحاجز مشاريع الحق
غنيت جبت مسدار
المكنه بتكاي
جنن مدافع النار
لقوك رحل الكحل
قلوك مابتندار
امانة ياصقر ماتفرشت ليك برجال
غنية جبت نمات
بجر القول عليك
يامقنع الكاشفات
يا أسد الخلاء
الحجر اليويات
ساقوق للشنق يابوأمنه حوبتك جات
غني وشكري ياخضرة الجوخ
قلع لي عشاري الليله مسكوُ بيفوح
ماختف البدينقة وماجفل محروح
سيفو بياكل الفقرة وملاح المخ
أمك ولدتك ما ولدتم اتنين
تسلم لي يا تلبي البيكيل العين
حالف يمين مابتوه بين بين
دقيت الجسر لي متعت الحيين
غنيلو يابنيه من قومة الجهل
ماقاملو بي نيه
وقت الشوف يشوف
وقفولو سلطية
استعد وركب وقال أخوك يابنيه




وفد تغنت ببطولات الزبير باشا..

قالت بت مسيمس محذرة (الزبير باشا) من المصريين، تخشى على الزبير من رحلته الي مصر، والتي فعلا تم أسره فيها:-

من قومة الجهل انت العظيم منصور ... أدوك الامان خايفين عليك الجــور

فــي الخرطوم نزل إتدلــى بـالبــابور ... في بربر رسـا بالقهوة غفرًا تـدور

حلّـو له الجمـال اتوجـه العتمـــــــور ... حلق الريف نزل قال لمصر دستور

فـي بلد النصارى كم سحت بالبابور ... كل صبحًا جديد راكب على الحنطور

************************************************** ********

في السودان قبيل ما بشبهوك الناس ... يا جبل الذهـب الصافي مـاك نحــــاس

بارود انتصـار عند غمرة الكــــبّــاس ... خليت المجوس الين من القــــــرطاس

عدّى عصرو زين في بلاد النـــــــاس ... وفـي دار غرب دق للرجـالة نحـــــاس

كـم قتّل سلاطين خلى دارها يبـــــاس ... ود رحمـة الزبير تمَ الرجـــالة خـلاص


كما عرف عن الزبير باشا انه كان بارا بأهله وشديد الكرم لضيوفه وفي غاية الحفاوة والكرم..
فقالت (بت مسيمس) في ذلك:-

يا شلب البرامكة الفي البلد فردة ... طلّق ما هرب حالف من الشردة

دا البيكرم نسابتو وبعرف القعدة ... طقـم الكلفّـوه ما اتلفَـح الفــردة
[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل Admin في الثلاثاء يوليو 05, 2011 7:24 pm عدل 1 مرات
Admin
Admin
Admin

عدد المساهمات : 90
تاريخ التسجيل : 03/06/2011
الموقع : dubai

https://sudan.forumarabia.com

الرجوع الى أعلى الصفحة اذهب الى الأسفل

بت مسيمس Empty رد: بت مسيمس

مُساهمة من طرف سارة مالك الثلاثاء يوليو 05, 2011 2:57 am

روعة الماضي واصالة الشعر الحماسي مزيدا من الدرر السودانية الاصيلة

سارة مالك

عدد المساهمات : 43
تاريخ التسجيل : 06/06/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى